สารบัญ เนื้อเพลง
เนื้อเพลง คอร์ดเพลง หมอดูหมอเดา
หมอดูหมอเดา – นิกรน้อย เสียงอีสาน
.บัดนี่….
..นิกรน้อยสิแหล่ซิ่ง
เรื่องผู้หญิงเบิ่งจั๊กหน่อย
คุณผู้สาวทั้งใหญ่น้อย
เชิญฟังข้อยสิว่ากลอน
.กรุณาอย่าเดือดฮ้อน
ให้ฟังก่อนเท็จหรือจริง
บ่ได้ดูถูกหญิง ผู้ที่เป็นเพศแม่
เอาความแก้มาว่ากัน.
.อันนิสัยหญิงนั้น
สิดีเสียหรือก้ำเกิ่ง
เบิ่งที่สีเสื้อผ้า
ผู้หญิงเอ๊ยอย่าฟ่าวป้อย
นิกรน้อยสิว่าไป.
.หญิงชอบใส่เสื้อลาย
เห็นผู้ชายเป็นของเล่น
บ่ทันโดนเผิ่นกะเบื่อ
ฮักได้บ่ยืดเยื้อ
สมใจแล้วกะหน่ายแหนง.
.หญิงชอบใส่เสื้อแดง
ชอบแย่งแฟนชาวบ้าน
ทุกชั่วโมงมักผัวเพิ่น
เมินชายโสดบ่อยากเว้า
ผัวเขานั่น ผัดมัก
.หญิงชอบใส่เสื้อดำ
ทำตัวซอมแตกต่าง
งูดินกินลึกเพิ่นกล่าวอ้าง
อย่าให้เธอได้ขึ้น
เอาหยังถื้นกะบ่เซา
.หญิงชอบใส่เสื้อขาว
ตามตำราว่าสาวโสด
หัวใจนางใสซื่อ
มือชายได๋บ่ได้ต้อง
ขาอ่อนน้องบ่ได้เห็น
.หญิงใส่เสื้อบานเย็น
เป็นผู้หญิงเซ็กซี่
โรแมนติกจั๊กกะหน่อย
คั่นชายใดได้ต้อย
บุญบ่น้อยเอิ้นว่าดวง
.หญิงชอบใส่เสื้อม่วง
ตกดวงแม่อกหัก
บ่สมหวังเรื่องความฮัก
มักชายได๋กะอ่างเอ้า
เลยนอนเศร้าอยู่ผู้เดียว
.หญิงชอบใส่เสื้อเขียว
เทียวเปลี่ยนแฟนอยู่ไวๆ
เปลี่ยนไปแทบทุกที่
เป็นจั่งซี่แทบทุกขั้น
พบชายนั้นออกว่ากือ
.หญิงชอบใส่เสื้อเหลือง
มักสนใจเรื่องธรรมะ
มักหาพระหาเถร
ชวนหลวงพ่อนอนเว็น
พาพี่เณรเล่นหมากลี่
.พยากรณ์น้อซ่ำนี้
เสร็จพิธีสิโก้งอวย
บ่เอาคายอีกด้วย
คันบ่คิ้วกะต้องแม่น
แฟนสาวเอ๊ย เอย.
ให้ถือเอานั่นล่ะนา
หว่า นาง อือ..
หว่าแล้วหย่าวๆๆ
หย่าวๆๆ
หย่าวๆล่ะหย่าวๆ
หย่าวๆล่ะหย่าวๆ
หมอดูหมอเดาดอกเด้อท่าน
หมอดูหมอเดาดอกเด้อ .ท่าน
เจ้าของผลงานเพลง นักร้อง นิกรน้อย เสียงอีสาน
ฟังเพลงฟรี หมอดูหมอเดา
เนื้อเพลง
